【傑出公關】未睇《復仇者聯盟4》最怕被劇透　MCL院線溫馨提示觀眾要有公德心

全球影迷期待已久的《復仇者聯盟4 :終局之戰》（Avengers:Endgame）終於上映，香港大批觀眾早已撲定戲飛。MCL影院昨晚（4月23日）於電影正式上映前，在Facebook以「戲院凳」身份發文，提醒大家作為觀眾要有公德心，獲網民讚好。

全城為了率先觀看《復仇者聯盟4》、避免劇透，大批忠實粉絲早已買好今日首日上映的門票。而開業37年、香港主要電影院線之一的MCL，昨晚則借以「電影凳」之名在其官方Facebook專頁上發表長文，希望借此呼籲觀眾有公德心。

文中提到Marvel英雄電影由第一部《Iron Man》至今，由菲林電影發展到現今的4K電影，已經超過10年之久：

好開心可以陪住你哋一齊笑過、喊過、緊張過、感動過… 咁多年嚟，一齊經歷咗咁多嘢，我好想好想襯今次同大家講下心聲…

戲院凳主力提及以下三點：

*呼籲觀眾準時入場*

我明！我知你哋無心遲入場，無心攪到自己睇唔到片頭之餘，仲要喺入場時完美地block晒其他觀眾嘅視線。不如今次試吓準時一次咁多吖？

戲院凳以懷柔方式希望習慣遲到的觀眾顧忌及人，不要到最後一秒先趕急入場，遮擋到早已安坐位置準備欣賞電影的觀眾視線。

▲ 相信每位觀眾都曾經遇過被踢凳的慘痛經歷。（資料圖片）

*建議提早到場取票*

香港人生活繁忙，許多人都會使用網上購票服務，省卻麻煩。但由於大家都愛遵從不要浪費人生一分一秒的宗旨，導致大部份人都喜歡最後一刻才取票，令到人龍出現：

個個都開場前10分鐘先拎，成件事就唔止係10分鐘架喇。唔想排到天荒地老嘅，不妨試下用QR code入場，又或者再早多啲啲嚟拎飛呀。

*提醒大家帶走垃圾*

最後亦希望觀眾能夠「自己的事自己做」，把帶入戲院的食物、垃圾帶走，方便工作人員：

我唔想你哋為咗我，苦了啲清潔姐姐呀，求放過。

最後「戲院凳」亦有溫馨提示，例如提到《復仇者聯盟4》長達三小時，大家記得入場前先去洗手間；不要在戲院中討論劇情、拍照呃Like。而最重要的事要講三次，就是：「千祈唔好劇透」。

最讓觀眾會心微笑的，相信就是戲院凳的下款：「俾你踢過無數次的戲院凳上」。

▲ 發文不足一日獲近3000網民讚好。（網上截圖）

帖文發出至今獲大批網民讚好及轉發，有網民起初見到長文，誤以為MCL要宣佈結業。有觀眾大讚MCL公關有質素，更笑謂：「建議用港幣去抵制MCL全線座位。」又有人提出要向觀眾實行「扣分制」，大聲說話、玩電話、摷膠袋、踢凳等等全部都需要扣分，扣夠10分買戲飛要雙倍價錢、扣至零分被禁入戲院五年等等。亦有網民留意提到，建議效法運輸署找葉德嫻再拍宣傳短片：「應該搵Deanie姐拍返輯『睇戲顧自己都要顧人哋』。」